Mañá mércores 23 de novembro, ás 20 horas, celébrase na Casa do pobo de Iñás unha nova asemblea aberta para escoller dúas persoas para formar a candidatura de Alternativa nas próximas municipais. É un proceso totalmente democrático e aberto á participación de todos os veciños e veciñas no que calquera cidadán pode presentarse.
Nas asembleas celebradas en Dexo, Dorneda, Nós, Mera e Oleiros os veciños e veciñas participantes elixiron a Rosa Méndez, Igor Pérez, María José Varela, José Manuel Caridad, Juan Fernández, Belén Taboada, Antonio Molinos, Óscar Brandariz, Marga Figueroa, Pablo Cibeira, Francisco Pita, Teresa Vázquez, César Meilán e David Garrido.
